Mars i bilder

Vårmånaden mars er like om hjørnet! Med fastelavn og sommartid og stadig lysare dagar. Veldig kjekt! Her er nokre bilder eg har klipt i hop frå denne månaden òg. 

Vinterferie på Gran Canaria

Avslapping i Mogan

Olaug og eg reiste 14 dagar til Amadores på Gran Canaria no i februar. For litt sol og varme. Og turar i shorts. Det var herlig med temperaturar på 20-talet, og endå varmare i sola😊Morgon og kveld etter solnedgong var det rett nok ein del kjølegare. Då var det godt med ein gensar og langbukse. 

Olaug på Amadores Beach etter solnedgang

Vi gjekk ein god del turar langs strandpromenaden frå Amadores til Puerto Rico. Vi fann ut at vi gjekk denne flott tillaga vegen 9 gonger. I tillegg gjekk vi dei 709 trappetrinna opp frå Puerto Rico og over åsen tilbake til Amadores 4 gonger. Så mange trappetrinn har vi ikkje gått før... Iallefall på så kort tid😃

Puerto Rico

Ein dag gjekk vi og frå Amadores til Puerto Rico og opp Nydalen til Norskeplassen og Sukkertoppen. Med retur same vegen. 22990 steg! Fin tur i det steinete terrenget. Og vi traff mykje nordmenn på tur. Eit vennepar frå Eikefjorden vart vi pratande med mesteparen av vegen opp. Kjekt! 

Bussen brukte vi òg til Mogan og besøkte fredagsmarknaden her. Eit vanvittig skue med boder og utsal av alt mellom himmel og jord. Facinerande. Mogan var elles ein veldig fin by. Spanias Venezia. Vi tok båten tilbake til Puerto Rico og strandpromenaden tilbake til hotellet. 

Hamna i Mogan

Buss tok vi òg ein dag til Arguineguin og besøkte marknaden og Sjømannskirka her. Kjekt besøk med forteljing om kyrkja av ein frivillig som jobba der. Og vi gjekk faktisk heim igjen langs stranda via Patalavaca og Amfi del Mar, vidare opp dalen og åsen til Puerto Rico og til Amadores! Litt såre bein 😄 Ja, vi låg ikkje og drog oss heile dagane på stranda (sjølv om det totalt sett vart flest timar her). 

Mykje å sjå på marknaden i Arguineguin

Vi passerte hula der den norske kvinna held til i fjellet ovanfor Puerto Rico

Vi tok oss og ein reisedag med Tui. Med tre van-bilar reiste vi opp på nordsida av øya og køyrde øya på tvers ned igjen til Maspolomas. 

Vi køyrde omlag denne ruta...

Fjellandsbyane Teror og Tejeda var veldig flotte (sjå bilder på linken til slutt). I høgda her oppe regna det med tjukk skodde! Men så snart vi kom oss ned igjen mot sør skein sola igjen. Artig! Elles var landskapet i høgda i innlandet heilt annleis enn i sør. Frodig og grønt! Vi fekk oss elles lunch i Fataga og besøkte til slutt eit Aloe Vera bruk. Flott tur!

Basilica i Teror

Tejeda

Så alt i alt hadde vi oss eit framifrå opphald på Amadores Beach leilighetshotell nær stranda i Amadores. Spesielt og hyggeleg var det òg å treffe eit par gamle kollegaer. Vi var ut og åt middag eit par kveldar. Sjå mobilfoto og snuttar for eigne inntrykk under!

Foto GC 0802-220225

Februar i bilder

 

Arkivbilder frå februar - ein månad som kan by på mange kontrastar her på kysten. Snøklokkene poppar opp, men vinteren er brått tilbake på eit blunk. Likevel - det lysnar kvar dag. Det går rette vegen mot vår... 

Reine påskestemninga

 

Det var reine påskestemninga på Høgeheia i dag. Tørt og fint i stien. Og solskinn. Vi har ikkje vore for mykje vande med det i det siste. Rett nok var det sporadisk litt is oppe mot toppen. Men ikkje noko å snakke om - det er berre å trakke ut om. Så her er det berre å ta turen både for liten og stor!

Gamle bilete

 På Møteplassen i Askvoll i dag hadde Audun Høvik teke med seg nokre bilete som var tekne av Paul Stang for over 100 år sidan. Onkel til Audun, Paul, var ein framifrå fotograf frå Stongfjorden. Og lenge før si tid. Tre av bileta som er avfotograferte her er tekne ved Krokavatnet og Tjuvbergsnova. Sistnemnde er kjend frå segnet om tjuvane som heldt til her og som røva i Fossedalen - dette er beskrive tidlegare fleire stadar mellom anna her

Det var veldig kjekt av Audun å ta med desse bileta. Vi tykkjer det er god historikk i slike. Og som ei flott oppfølging til innlegget om eitt av fotoapparata som Audun har i sitt eige etter Paul Stang. Dette kan du sjå på Stongfjorden sida her.

Audun hadde og med bilete frå Nedgardstølen i Rivedal frå ca 1920. Du ser dei under her. Menneska er ukjende. Kanskje dreg du kjensel på nokre. Teksten under følgde første biletet. 

Snøen som forsvann

Vi fekk nokre nydelege vinterdagar nyleg. Som forrige lørdag med solnedgang på Staveneset. Men no er her grøne bøar igjen, silande regnvèr og vind. Slik er vestlandet vintersdagen. Vi får ta det som det kjem. Uansett har sola snudd. Og snart set vi oss på eit fly sørover. 

Foto Alden og Staveneset x 4

Inga skam å snu

Morgonstemning på Staveneset med utsikt til m.a. Kinn, Reksta, Skorpa og Batalden

Det ligg mykje snø opp bakkane frå Holevika til Høgeheia

Vinterstemning på Staveneset

I dag måtte eg snu på veg til Høgeheia. Det var ikkje pust igjen. Og syra svei i føtene. Med dei snømengdene som låg opp bakkane frå Holevika måtte eg berre seie til meg sjølv at det var inga skam å snu. Med fine vèrmeldingar resten av veka skal eg gjere eit nytt forsøk på fredag. No veit eg kva eg går til. Og kjenner eg Høgeheia rett er snøen meir avblesen oppe mot toppen. Og no med spor opp der det ligg mest snø. Betre lukke neste gong...😎 

Godt Nytt År

Med januar i bilder ynskjer eg alle eit retteleg Godt Nytt År 🎇

Framsidebildet er frå Fløyen på Heileberget med utsikt ut Dalsfjorden. 

Fredeleg jul

 

Med eitt av bilda eg likar godt ynskjer eg alle ei fredeleg julehøgtid🎅 

Foto ved Litlevatnet på ruta til Toreheia/Skylefjellet

Fossedalen - der ingen skulle tru at nokon kunne bu

Gunhild Fossedal avfotografert i Jul i Sunnfjord 1993

TV serien "Der ingen skulle tru at nokon kunne bu" er velkjend med mange sjåarar. Det er eit kjekt program. Fjellgardane i Fossedalen på nordsida av Dale og Dalsfjorden kan godt gå under denne nemninga òg. Som så mange andre einbølte gardsbruk frå gamle dagar. 

I 1974, og lenge før nemnde TV serie gjekk av stabelen, laga NRK og Henning Rivedal program frå Fossedalen. Programmet som fekk tittelen "Titt eg minnest ein gamal gard" ligg framleis i arkivet til NRK. Filmen kan du sjå her. Det er ein flott dokumentasjon på livet i Øvre og Nedre Fossedal i si tid. 

Nedre Fossedal i dag

Elles hadde Jul i Sunnfjord eit fleire siders veldig kjekt og informativt stykke om Fossedalen i 1993. Det var ført i pennen av Atle Ness og Rune Dale. Juleheftet utgjeve av Sunnfjord Sogelag kan du lese digitalt her.

Øvre Fossedal i dag

Øvre Fossedal fotografert i 1934 av Astrid Fossedal - Fylkesarkivet
"det er som dei gamle husa ligg der og søv under dei store snødynene"

Fossedalen har elles eiga Facebook side - kalla Fossedalen - i grøne far. Her er det samla mykje stoff, soger, turtips. Under media mykje bilete. God lesnad!

Med desse orda ynskjer eg alle ei retteleg God Jul 🎄🎅