mandag 21. mai 2018

Rundt omkring

Blegja og austre Leknesvatn

Eitrenipa


Nordre og Søndre Kringla.
Dale i SUnnfjord og deler av Fossedalsvatnet


Utsikt nordover Krokavatnet. Fossedalshengenipa t.v.


Søndre og Nordre Kringla


Under hammaren ved Krokavatnet

Svortevikstølen i dag

I dag gjekk eg turen på Eitrenipa via Leknesvatna. Deretter ned Eitreskaret og austsida av Krokavatnet til Svortevikstølen (Krokvasstølen), og tilbake til Markavatnet der bilen stod. Sjå GPS-tracking under (denne er dog ikkje heilt nøyaktig på satelitten til Google). 

Eg har skrive om denne turen mange gonger. Den går i eitt av dei flottaste områda i kommunen. Trass i kraftutbyggingane. Området kring Leknesvatna og Krokavatnet har eg alltid likt veldig godt. Utsikta austover Leknesvatna mot Blegja er fantastisk. Likeeins det idylliske området ved vadet mellom vatna (det austlege vatnet er ein meter høgre enn det vestlege.  Det renn ei kort elv mellom dei. Her er det forøvrig ei god bru). 

Dei siste åra har eg meir og meir gått austsida av Krokavatnet på denne turen.. Det passar godt for å gå  tilbake til Markavatnet. Det står nokre veldig flotte og gamle fjellfuruer her som rammar perfekt inn vatnet og Fossedalshengenipa

Sjølvsagt er det flott å gå om Fossedalen òg. Men då er aberet henting på Otterstein, og deretter henting av bil ved Markavatnet. Slikt klaffar ikkje alltid like godt. Og ein er avhengig av andre. Difor er det veldig kjekt å ha fleire alternativ til same turen om du vil. 

Eg toppa ut Eitrenipa kl 9.40. Det bles ganske mykje der oppe. Vèret var overskya med litt solgløtt. Snøen oppe i skaret var nesten heilt borte. Men tankar om å gå N&S Kringla i same "snuren" slo eg raskt i frå meg. Mest på grunn av vinden. Kjekk og lang nok tur med det som var for ein godt 60-åring...👴

Foto Eitrenipa rundt 210518



søndag 20. mai 2018

Vindblesen skalle

Skyformasjonar over Skålefjellet

Vadet ved Krikavatna (sjå kart)

Ved Mangevatna







Etter ei vekes tid med forkjølelse gjorde det særdeles godt å få teke seg ei runde på fjellet heime. Og kva er betre då enn å ta runda frå Yndestad til Toreheia, og med returen over Skylefjellet og Selda. Perfekt for ein halvsjuk kropp. Ein tur som i røynda gjekk lettare enn eg trudde. Så kanskje er grunnforma intakt om det har blitt mindre med fjellturar enn før. Grunnforma er i grunn der viktigaste. 

Elles? Det bles skikkeleg i dag. På Toreheia og Skylefjellet så eg måtte krøkje meg fram til vardane. Øren i hovudet av all vinden. Heldigvis var ikkje vinden spesielt kald. Vèret var overskya med litt sol no og då. Terrenget er no veldig tørt. Vindblese. Mange av elvane nesten inntørka. Veldig fint å gå med lette sko.

Kjekt å sjå at det går ein del folk her oppe no. Begge bøkane eg skreiv meg inn i var det mange nye namn i. Ukjende namn. Det er veldig positivt. For området på nordsida av Stongforden må vere av dei mest lettgådde og attraktive som er omkring. Fantastisk flott utsikt i alle retningar. Herleg.

fredag 18. mai 2018

Grunnlovsdagen





Her er nokre foto frå i går på ein nydeleg 17.mai. Rett nok med ein sur nordvest vind inn fjorden. 

Dagen i Stongfjorden vart feira på tradisjonelt vis med leikar, konkurransar, matykt, kaffi og kaker. I år var vi elles så heldige at vi fekk Askvoll Musiklag på besøk. Ungane hadde elles sine songinnslag og sketsjar. Flinke! 

Takk til årets kommitè for ei flott gjennomført feiring av grunnlovsdagen.





Ein favoritt




Ein av favorittfuglane mine, svart/kvit flugesnappar, er på besøk i ein av fuglekassane mine. No får vi berre håpe han finn seg dame så det blir noko resultat ut av synginga hans. Det blir spanande å sjå. Så følg med følg med...

lørdag 12. mai 2018

Hanna som konfirmant

Margunn,, Hanna, Tor Ivar og Sander

Mamma, Olaug, Peter, Sander og Tor Ivar

Kristine
Hanna


Besteforeldre og konfirmant
Hanna med oldemødre

Hanna og Anna

Konfirmanten
Ingegerd, Harald og Annemor


Olaug og Ingebjørg

Vilde, Lene og Anna

Nikolai og Sander



Eldste barnebarnet mitt, Hanna Skaar Vallestad, vart konfirmert i Førde Kyrkje Kristi Himmelfartsdag. I det høve vart det sjølvsagt teke mange bilder. Ovanfor er nokre få. 

Sjølve festen vart helden på Sunde Skule i Førde. Vi hadde ein særs triveleg dag i lag. Utan å kome nærare inn på det. 

Osland opp

Morgonstemning på Osland

Osland
 
Flokeneset


Flott morgontrim på Middagsnipa i dag. Eg følgde den vanlege ruta opp frå FV609, over Vågeskardet, og opp bakkane. Det er godt merka heile vegen.

Morgonsola braut gjennom skydekket på veg oppover. Men brått var det som om skodda var sleppt ut av ein sekk. Nokre minuttar var ho tjukk, før det brått letna igjen like fort. Artig. Temperaturen der oppe i dag tidleg var ikkje noko å rope hurra for. Eg var glad eg kunne byte på meg nokre tørre klede. Ein sur trekk var kvass i kanten. 

Frå toppen gjekk eg nordvest over for å ta ein kik ned i Flokeneset. Som vist på bildet ovanfor. Det er fin utsikt frå kanten av fjellet der oppe. Deretter over Indrevågefjellet og ned att. Traff forresten Anita Vårdal og jentene på veg opp då eg kom ned igjen. Slo av ein liten prat med dei! Fin tur!

søndag 6. mai 2018

Trollefossen





Eg vart med Olaug til Holmedal i dag tidleg sidan ho hadde eit par "taxi-oppdrag" dit på morgonkvisten. Med skodda like i Dalsfjorden og sipande regnvèr gjekk vi oss ein tur rundt Engjabøen og om Trollefossen. Det var fleire år sidan eg hadde vore her. Kjekt å sjå nyebrua over Bakkeelva. Godt jobba.

Det er synbare minner etter industrisoga i Holmedal her endå  Trollefos Uldvarefabrikk heldt til her. Sjå om Trollefossen her. Firda Brusfabrikk og  Flora Smørfabrikk er òg ein del av denne industrisoga i Holmedal. 

Det vart med denne trimturen i dag.

   


lørdag 5. mai 2018

Trim i boks

Staveneset frå ovan

Eimind og mot Granesundet

I det låge skydekket i dag gjekk eg ruta Holevika-Furefjellet-Høgeheia-Holevika. Dette er ein fin og passeleg rundtur her ute i havgapet. Det ligg ikkje ein snøflekk igjen her no. Men natta i natt hadde vore temmeleg våt. Det bles også ein del i dag. Disig og grått. Trimturen likevel godt i boks.

tirsdag 1. mai 2018

Kalde tær i gråe vær

Dagens selfie på Stordalsfjellet
  
Snøsmelting ved elva i Porten

Det er ei stund sidan eg har vore inn på Stordalsfjellet. Eg valde difor å gå inn dit i dag 1.mai. 

Ruta frå Oslandsbotnen kan anbefalast. Flott tur opp Brekka til Botnastølen. Vidare beint aust og opp i Porten. Her har du to val for den vidare turen. Anten på nordsida eller sørsida av Portafjellet. Eg valde sørsida i dag og opp det bratte skaret. Her rundar du Portafjellet. Litt aust om ligg Stordalsfjellet på 752 moh. 



Som tenkt var det omlag snøfritt opp til Porten frå Botnastølen. Men opp dalen låg det endå mykje snø. I det bratte skaret ved Portafjellet var det som tenkt snøfritt. 

I dag var ikkje vèret av det beste. Disig med nokre snøflukser i lufta. Søraustvinden var kald. Eg vart som vanleg iskald på tærne. Etter mange prøvelsar opp igjennom åra tòler tærne mine lite kulde. Trasig egentleg. Etter at eg gjekk gjennom isen på Krikavatnet hitt året, fekk dei seg diverre ein skikkeleg trøkk. 

Det er flott utsikt på Stordalsfjellet. Spesielt mot aust og sør til Heileberget. Her ser ein heile sistnemnde perfekt frå nord. (Foto under). No var det ikkje akkurat rette dagen for å nyte den flotte utsikta. Med grå ver og snø. Men fjellet har no sin sjarm likevel. 

Fløyen, Nonsholten, Driveknolten og Høgholten på Heileberget.

Utsikt mot aust 1.mai 2017

Eg var egentleg tenkt å gå rundt Portafjellet og ned att nordsida til Porten. Men så iskald som eg vart på tærne gjekk eg ned att same vegen. Det gjekk ein god del fortare enn opp sidan eg sigla alle bakkane på baken. Kjekt og løye.  

Første rumperennet ned bakken frå toppen på Stordalsfjellet (det er mykje lenger enn det bildet viser)

Uansett grått vèr og kalde tær. Turen var flott den. Og så var eg her også 1.mai i fjor.