onsdag 23. mai 2012

Varmt på Høgefjellet

Morgonstemning på Stafsnes.
Klokka er 6.25.

Det var altfor freistande å late vere og stikke oppom Høgefjellet i dag òg etter arbeid. I det fantastiske sommarvèret kribla det i føtene etter ein dag ved kontorpulten. Så eg stakk raskt oppover bakkane etter ein prat med Arvid L. i Rørvika.

I det varme vèret dundra formeleg elva frå området ikring Rørvikenipa nedover lia. Og ved stølane lenger oppe kvapp eg skikkeleg då det braka av snøras frå fjellet. Men den digre fonna på nordsida ved toppen på Høgefjellet heldt jammen stand endå. Lenger nede i bakkane var det forsvunne store mengder snø berre dei to siste dagane. Ikkje rart at NVE spår 10-års flaum i fylket. Det er enorme mengder med snø som skal vekk... 

Trass i varmen og mykje sveitte var det ein knalltur opp i bar overkropp. Eg valde likevel softshell bukse og ikkje shorts pga einerkavane ovanfor stølane. Det var jammen varmt nok. Fantastisk maivèr dette...

Høgefjellet i ettermiddag


Ingen kommentarer: