Tidleg morgon ved Gjelsvikefjellet 9/11-10
Vi ser Blegja-massivet og soloppgang ved Synste Stauren.
Etter det famøse forsøket på å nå opp på Svarthamrane på tirsdag, har eg teke det piano. Med dei store og våte snømengdene oppe i Gjerdedalen, har det ikkje frista med ny kveldstur med hovudlykt oppe i dei bratte hamrane. Sidan det er opp hit eg har merka for vandring etter at det er mørkt, og ingen andre fjell, har det vorte lite sveitte denne veka. For det er jo mørkt både før og etter arbeid. Dei fysiske aktivitetane siste dagane har difor begrensa seg til vedsaging for hand i kjellaren...
Framleis lavar snøen ned. Og kva det blir til i helga er difor eit ubesvart spørsmål. Eit kvart lyt ein finne på for å halde forma ved like. Eit fjell må til...
Ingen kommentarer:
Legg inn en kommentar