Frisk frost

Iskaldt på Driveknolten vesle nyårsafta i fjor. Agnar er framme etter å ha gått frå Markavatnet og om Nipebu. Returen gjekk same vegen! Rein reprise på fjelltrimmen igjen i kveld. Nokre minusgrader og litt trekk frå aust, stakk friskt i fjeset. Og alt var frose. Myrar og vatn. Beinhardt underlag overalt. Iskrystallane på underlaget glitra omkapp med stjernehimmelen. Og månen såg ut som ein gul ost i det tynne sky-sløret. Magisk fint. Og sjølvsagt kjempegodt å få løyst sveitten etter ein statisk dag på kontorstolen...!